الموسيقى أو ( علم الأصوات ) أو ( علم النغم ) أسسه المصريين من آلاف السنين

الموسيقى أو ( علم الأصوات ) أو ( علم النغم ) أسسه المصريين من آلاف السنين ..

وتم إثبات ده علميا سنة 1991م فى التجربة الرائعة اللى قام بيها فريق بحث مصرى أمريكى فى المتحف المصرى .. وكان أفراد الفريق ده هم :

1- الدكتور فتحى صالح، الأستاذ ب...

هندسة القاهرة
2- الفنان محمود عفت عازف الناى وعازف المقطوعة المشهورة ( مقدمة برنامج العلم والإيمان) والأستاذ بأكاديمية الفنون بالقاهرة
3- الدكتور روبرت كريبسى من جامعة كاليفورنيا بالولايات المتحدة الأمريكية

و كانت فكرة التجربة إن الفنان محمود عفت يقوم بتجربة عملية يعزف خلالها على أكتر من" ناى" من اللى موجودين فى المتحف المصرى وتتسجل النغمات والذبذبات على الكمبيوتر، وانتهوا لمجموعة من النتايج أهمها :

1- الناي اللى بينتمى لعصر الأسرة 18 ( 1550 – 1292 ق.م ) مطابق تماماً للسلم الموسيقى المعروف حالياً بالسلم الغربى أو الطبيعى أو السباعى

2- الناي اللى بينتمى لعصر الدولة الوسطى ( 2055 – 1650 ق.م ) مطابق لنغمات السلم الخماسى

3- و كانت المفاجأة أن الناى المعدنى ( مجهول التاريخ ) ، مطابق تماما للسلم الشرقى المستعمل حالياً.


التجربة منشورة حاليا على الإنترنت بأدق تفاصيلها وكل مراحلها على اللينك ده
http://egyptsound.free.fr/fathi.htm

وده لينك المقطوعات اللى تم تسجيلها
http://egyptsound.free.fr/sounds.htm

وفيهم مقطوعة قصيرة مثيرة جدا لأنها حالة موسيقية كاملة مستخدم فيها مجموعة من الآلات المصرية القديمة فى وقت واحد .. كأنك بتسمع الموسيقى اللى سمعها المصريين من آلاف السنين .. وده اللينك للى يحب يسمعها
http://egyptsound.free.fr/sounds/Egyptsound_MP3/04_Ensemble.mp3


وجدير بالذكر إن كان فى تجربة مماثلة عملتها هيئة الإذاعة البريطانية BBC سنة 1939 على بوق توت عنخ آمون اللى عمره أكتر من 3 آلاف سنة .. وبردو اتسجل فيها عزف متنوع بالبوق المصرى القديم وأذاعتها الإذاعة وقتها على 150 مليون مستمع فى جميع أنحاء العالم وده لينك التجربة
http://www.bbc.co.uk/news/world-middle-east-13092827