الاثنين، 22 أكتوبر 2012

هل تعرف اصل " وحوى يا وحوى " وحللو يا حللو "



يمكن مش كتير مننا يعرف أن " وحوى يا وحوى " وحللو يا حللو " هى كلمات مصرية قديمة .. المصريين احتفظوا بيها لآلاف السنين لحد ما ربطوها بالإحتفال بشهر رمضان

" وحوى " كلمة مصرية قديمة معناها ( يكبر اوى – يزدهر اوى – ينمو اوى )
أما " ايوحا "...
معناها ( قمر )
يعنى الغنوة معناها ( زود نورك اوى يا قمر أو زهزه يا قمر أو نوّر اوى يا قمر )

" حلو يا حلو "
كلمة " حلو " معناها ( شيخ - راجل كبير ) أو زى ما بنقول النهاردة " يا عم "

يعنى الغنوة معناها " عم يا عم .. رمضان كريم يا عم .. حل الكيس وادينا بقشيش لنروح منجيش يا عم "

وغير الإرتباط اللغوى بالمفردات المصرية القديمة فى ارتباط تانى ميقلش أهمية عنه ..
الإرتباط ده بنسميه الثقافة البصرية " Visual Culture "

" الثقافة البصرية " :
هى مجموع الرموز والأشكال والعلاقات البصرية المتخزنة فى الوعى الجمعى للشعوب على مدار آلاف السنين .. واللى بتتشكل من البيئة المحيطة و من صفات المجتمع الخلقية و الاجتماعية و الذهنية و العقائدية وبتتسجل فى وعى كل فرد من أفراده من يوم ما بيتولد

الأفراد دايما بيستحضروا مظاهر الثقافة البصرية بوعى أو بدون وعى وبأشكال متجددة ومتطورة نابعة من الأصل المتخزن فى ثقافة الشعب البصرية من آلاف السنين .. لأن الأشكال الجمالية معلومة معرفية بتتكون من العناصر المحيطة بينا وبتتسجل مع كل خبرة بنشوف فيها الأشكال دى

مفيش إنسان يقدر يبدع أى شكل بصرى visual إلا اذا كان على وعى مسبق بيه .. سواء كان الشكل ده عبارة عن أشكال وزخارف هندسية – علاقات لونية - موضوعات فنية – إلخ )

ومن أهم الرموز البصرية عند المصريين رمز المثلث أو الهرم ( الثابت أو المتكرر بإنتظام أو المتكرر بشكل عكسى .. أو مثلث مقلوب ومثلث معدول .. أو هرم سطحه مستوى أو هرم متدرج

هنلاقيه طول الوقت حوالينا فى كل حتة فى مصر .. ويمكن مانكونش واخدين بالنا منه .. لكنه متخزن فى الوعى الجمعى للثقافة البصرية للشعب المصري .. وكلنا بنستحضره طول الوقت بوعى أو بدون وعى

هنلاقيه فى الأهرامات التلاتة
http://www.flixya.com/files-photo/m/i/d/midomza-2411586.jpg

هنلاقيه فى زهرة اللوتس والأوانى اللى معمولة على شكل زهرة اللوتس
http://farm8.staticflickr.com/7127/7656450922_ac702de3a4_z.jpg

هنلاقيه فى زخارف المقابر المصرية القديمة
http://exuberanthome.com/wp-content/uploads/2011/02/IMG_25441.jpg

هنلاقيه فى زينة رمضان
http://www.ramadan.co.za/wp-content/uploads/2008/09/ramadan-egypt.jpg

هنلاقيها فى زخارف الفنون الشعبية (التنورة )
http://cdn.alwafd.org/images/news/632732817kar115.jpg
http://www.abou-alhool.com/ima/20338_33.JPG

هنلاقيه فى زخارف أدواتنا المنزلية
( Loading ... )

هنلاقيه فى زخارف الطواقى
http://farm4.staticflickr.com/3032/2932157899_06e8368a0c_z.jpg?zz=1

والمشنات
https://fbcdn-sphotos-b-a.akamaihd.net/hphotos-ak-prn1/564073_398050450267033_436241129_n.jpg


هنلاقيه فى الزخارف على البيوت فى الصعيد وأسوان والنوبة
http://www.crainium.net/jdjArchives/Nubian_House_6-thumb.JPG

http://25.media.tumblr.com/tumblr_m6lyhjgEqo1rwpo4so1_400.jpg

http://farm3.static.flickr.com/2248/2037135509_72e637a2ff.jpg

وأخيرا فانوس رمضان واللى شكله مختلف تماما عن كل مصابيح الدنيا لأنه مستوحى أساسا من المخزون الثقافى البصرى العام للشعب المصرى .. و لو حللنا شكله هنلاقيه عبارة عن تلات مثلثات ( معدول – مقلوب – معدول ) شبه الشكل اللى هنلاقيه فى جدار البيت من تحت خالص على اليمين والشمال فى الصورة دى
http://www.worldgatetours.com/App_Upload/NUBIAN%20HOUSE.jpg

فى أكتر من رواية عن أصل الفانوس .. لكن اللى يهمنا منها إنه إبداع مصرى خالص اتنقل من مصر لكل الدول الإسلامية كرمز للإحتفال بشهر رمضان ... على الطريقة المصرية

ليست هناك تعليقات:

إرسال تعليق