الهوية المصرية كانت واضحة عند المصرى القديم فى كل شئ ( الملابس - الديكور - الإكسسوارات - المعمار - الزخارف - الرسومات - الألوان ) ..
المصريين من آلاف السنين كانوا حريصين أنهم يكون لهم شكل و طابع خاص ومميز للشخصية المصرية جوا مصر وبره مصر .
. و قدام أى أجنبى يدخل مصر للزيارة أو الدراسة أو لأى سبب تانى .. عشان يقدروا يحافظوا على ثقافتهم وحضارتهم وتاريخهم ضد أى محاولة للاستعمار الثقافى أو لسرقة الحضارة ..
و رغم إن الاستعمار الثقافى مسابش مصر يوم واحد من بعد انهيار الدولة المصرية القديمة إلا أن آثار وحضارة وهوية المصريين القدماء مازالت موجودة فينا وحوالينا فى كل شبر فى مصر .. وفى شوارعنا .. وجوا بيوتنا .. وفى أكلاتنا .. وأعيادنا .. وأفراحنا .. بشكل يأكد إنهم كانوا فى منتهى البصيرة لما أسسوا للهوية المصرية وتمسكوا بيها لآلاف السنين ..
وكان المفروض إننا نكون متمسكين بيها لحد دلوقت لكن للأسف حاجات كتير وناس كتير كان يهمهم إن المصريين يفقدوا الوعى بهويتهم عشان يبقى سهل السيطرة عليهم وسرقتهم حضاريا وفكريا وتاريخيا وهم فى تغييب عميق نتمنى إننا نفوق منه جميعا عن قريب
- الصورة لتصميم حديث لأودة نوم مستوحى من الطراز المصرى القديم
ليست هناك تعليقات:
إرسال تعليق